"Sabah" UEFA Çempionlar Liqasında "Hapoel"i məğlub edərək turnirin əsas mərhələsinə vəsiqə qazanıb. Matçdan sonra baş məşqçi Valdas Dambrauskas mətbuat konfransında azarkeşlərin yaratdığı atmosferə görə təşəkkür etdiyini bildirib və komandanın möhtəşəm oynadığını vurğulayıb.
Dambrauskas futbolçuların çətin məqamda işin öhdəsindən gəldiklərini, sona qədər mübarizə apardıqlarını deyib. O, komandanı karyerasında işlədiyi ən yaxşı kollektiv adlandırıb və onların Liqa mərhələsində oynamağa layiq olduğunu söyləyib.
Mətbuat konfransında baş məşqçi komandanın taktiki dəyişikliklərinin əvvəlcədən planlaşdırıldığını, bunun rəqibi müəyyən mənada çaşdırdığını açıqlayıb. O, iki dəfə topun dirəkdən qayıtdığını, lakin komandadan ruhdan düşmədiklərini və son dəqiqədə qol vura bildiklərini qeyd edib.
Dambrauskas Tellur Mütəllimovun son dəqiqə qolu barədə onun vacib anlarda güclü olduğunu və oyun zamanı bir-birilərinə hörmət etdiklərini söyləyib. Aleksey İsayevin meydana daxil olduqdan sonra komandanın daha çox hücum etdiyini də mətbuat konfransında qeyd edib.
Transferlə bağlı Dambrauskas hazırkı heyətdə 17 xarici oyunçu olduğunu, legioner-yerli məhdudiyyətləri və Çempionlar Liqasının reqlamentini nəzərə alaraq əlavə transferlərin mümkünlüyünü istisna etmədiyini deyib. O, qarşıda çətin qrafik olduğunu və səhvlər üzərində işləyəcəklərini əlavə edib.
Dambrauskas matçın son saniyələrində ümidini heç vaxt itirmədiyini vurğulayıb və bu qələbəni xüsusi qeyd edəcəyini bəyan edib.
Mənbə: apa.az
