“Azərbaycan Dəmir Yolları” QSC sentyabrın 5, 6, 12 və 13-də Bakı–Ağstafa–Bakı marşrutu üzrə əlavə qatar reysləri həyata keçirəcək. Bu məlumat ADY-yə istinadən APA-Economics tərəfindən verilib.
Qurum bildirib ki, bu istiqamətlərə əlavə reyslər artan sərnişin tələbatını ödəmək məqsədilə təşkil olunur.
Həmin günlərdə Bakı–Qazax–Bakı marşrutu üzrə ənənəvi qrafiklə gündəlik səfərlər davam edəcək.
Biletləri Bakı və Gəncə Dəmiryol Vağzallarının kassalarından, ADY-nin rəsmi saytından və “ADY Mobile” tətbiqindən əldə etmək mümkündür.
Mənbə: apa.az
