Trend-in yerli bürosunun və APA-nın məlumatına görə, Goranboy–Naftalan yolunda “Prado”, “Mercedes” və VAZ-2107 markalı avtomobillərin toqquşması nəticəsində iki nəfər ölüb, bir neçə nəfər xəsarət alıb.
Qəza zamanı “Mercedes” markalı avtomobil yanıb; Fövqəladə Hallar Nazirliyinin əməkdaşları hadisə yerinə cəlb olunaraq yanğını söndürüblər.
Ölənlərin 2003-cü il təvəllüdlü X. Ələkbərov və 2004-cü il təvəllüdlü A. İbrahimov olduğu bildirilib.
Hadisə ilə bağlı cinayət işi başlanılıb və araşdırma aparılır; digər təfərrüatlar barədə rəsmi məlumat verilməyib.
Mənbə: apa.az
