Suriya Demokratik Qüvvələri (SDQ) ilə atəşkəs qüvvəyə minəndən bəri ölkənin şimal-şərqində Suriya keçid hökumətinin ən azı 11 hərbçisi öldürülüb.
APA xəbər verir ki, bu barədə Suriyanın Müdafiə Nazirliyi məlumat yayıb.
Məlumata görə, atəşkəsin ilk günündə SDQ silahlıları ordunun mövqelərinə 35 dəfədən çox atəş açıblar. Nazirlik bildirib ki, hücumlar nəticəsində 11 nəfər ölüb, 35-dən çox insan yaralanıb.
Qeyd edək ki, 20 yanvar tarixində Suriya keçid hökumətinin Müdafiə Nazirliyi SDQ ilə yeni razılaşmadan sonra ölkənin şimal-şərqində dörd günlük atəşkəs elan edib.
About the Author
