Böyük Britaniya hökuməti uşaqların və yeniyetmələrin sosial media istifadəsini məhdudlaşdırmaq və məktəblərdə smartfon qadağalarının tətbiqini gücləndirmək üçün məsləhətləşmələr aparacağını açıqlayıb.
APA xəbər verir ki, bu barədə məlumatı mənbələrə istinadən “The Guardian” qəzeti yayıb.
Məlumata görə Böyük Britaniyanın baş naziri Kir Starmerin 16 yaşdan kiçik uşaqların və yeniyetmələrin sosial media istifadəsini qadağan etməyi nəzərdən keçirir.
“Hökumət uşaqların sosial media istifadəsi ilə bağlı məsləhətləşmələrə başlayır və gənclərin rifahını qorumaq və daha təhlükəsiz onlayn təcrübəni təmin etmək üçün məktəblərdə telefonları qadağan edir”, – məlumatda deyilir.
Səlahiyyətli orqanlar sosial media istifadəsi üçün minimum yaş həddini müəyyən etməyi müzakirə edəcək, bu cür məhdudiyyətləri artıq tətbiq etmiş ölkələrin təcrübəsini qiymətləndirəcək və yetkinlik yaşına çatmayanlar üçün uyğun məzmuna nəzarət etmək və həddindən artıq sosial media istifadəsinə qarşı mübarizə aparmaq yollarını araşdıracaq.
About the Author
