COP29 qarşısında vacib və eyni zamanda, mürəkkəb çağırışlar, onların müzakirəsi dayanır.
Bu barədə XI Bakı Qlobal Forumunda “Xoş sözlərdən yaxşı əməllərə” adlı panel müzakirəsində Birləşmiş Millətlər Təşkilatının Sənaye İnkişafı Təşkilatının Qlobal Tərəfdaşlıq və Xarici Əlaqələr Direktorluğunun Baş direktorunun müavini və İdarəedici Fatou Haydara deyib.
“Sənaye və innovasiyalar iqlim dəyişikliyinin bir hissəsidir. Sənaye iqlim dəyişikliyi ilə mübarizəyə öz müfəssəl təkliflərini verə bilər. Biz sənaye qurumlarının yaşıl keçid üçün potensialını gücləndirməliyik” – o qeyd edib.
Fatou Haydara xatırladıb ki, bu il Bakı COP29-a ev sahibliyi edəcək və onun qarşısında vacib və mürəkkəb məsələlər dayanır. Belə ki, iqlim maliyyələşdirilməsi, bu istiqamətdə atılan addımalrın şəffaflığı, enerji keçidi ilə bağlı mexanizmlərin hazırlanması və s..
O çıxışında qeyd edib ki, iqlim dəyişikliyi ilə mübarizədə özəl sektorla əməkdaşlıq və onların sənayenin yaşıllaşdırılmasında töhfələri təşviq olunmalıdır: “İqlim tədbirlərinin gücləndirilməsi labüddür, hər bir ölkənin könüllü töhfələrinin artırılması vacibdir. Dövlət xərclərinin üzərində cavabdehlik gücləndirilməlidir. Saf texnologiyaların istifadəsinin genişləndirilməsinin təşviqi vacibdir”. APA
About the Author
