İrəvanda qəbiristanlıq direktoru rüşvət almağa görə həbs edilib.
APA “Sputnik Armenia”ya istinadən xəbər verir ki, bu barədə Ermənistanın Korrupsiyaya Qarşı Mübarizə Komitəsi məlumat yayıb.
Komitədən bildirilib ki, İrəvanın Nork-Maraş inzibati rayonunda yerləşən qəbiristanlığın direktoru A.Ş. qəbir yerlərini satmaqda ittiham olunur. Bununla bağlı azı iki epizod müəyyən edilib.
A.Ş. V.K. adlı şəxsin qohumunun dəfninə yer ayırmaq üçün ondan 2500 dollar, daha bir nəfərdən isə eyni səbəbdən 2 min dollar almaqda təqsirli bilinir.
Rüşvət almaqda şübhəli bilinən şəxs həbs edilib.
Onunla yanaşı, 2 nəfər də həbs edilib, onlardan biri rüşvət verməkdə, digəri isə vasitəçi olmaqda günahlandırılır.
İbtidai istintaq davam edir.
