Milli Məclis sədrinin müavini, millət vəkili Adil Əliyev Kikboksinq üzrə İstanbulda keçirilən Kadetlər, yeniyetmə və gənclər arasında WAKO Avropa Birinciliyində qələbə qazanmış idmançılarımızı təbrik edib:
“Kikboksinq üzrə İstanbulda keçirilən Kadetlər, yeniyetmə və gənclər arasında WAKO Avropa Birinciliyi başa çatdı. Azərbaycan Kikboksinq Federasiyasının idmançıları yüksək peşəkarlıqla hazırlaşdıqları yarışda uğurlu çıxış edərək, bizi sevindirdilər. Ümumilikdə 63 müxtəlif əyarlı medal qazanmış idmançılarımız 16 dəfə fəxri kürsünün ən yüksək pilləsinə qalxaraq, himnimizi səsləndirmiş, bayrağımızı yüksəltmişlər. Eyni zamanda Milli Komandanın baş məşqçisi Hikmət Hacıyev “Ən yaxşı baş məşqçi” adına layiq görülmüşdür. Qələbə qazanmış idmançılarımızı, məşqçilərimizi bir daha səmimi qəlbdən təbrik edir, uğurlarının davamlı olmasını diləyirəm”-deyə Adil Əliyev qeyd edib.