İstanbulun Arnavutköy və Başakşehir rayonlarında yağan güclü yağış bir çox fəsadlara yol açıb.
“Qafqazinfo” Türkiyə mediasına istinadən xəbər verir ki, İstanbul Valiliyi hadisə nəticəsində 1 nəfərin öldüyünü açıqlayıb.
Yağış səbəbiylə bəzi sürücülər yolda çətinliklə irəliləyib.
Şəhərdə son 2 saatda 1500-dən çox şimşək çaxıb.
Həmçinin İstanbul Hava Limanına gedən yolda gölməçələr əmələ gəlib və yolda çətinlik yaranıb.
Sel bəzi metro stansiyalarının bağlanmasına səbəb olub.
***
İstanbula yağan güclü leysan nəticəsində Başakşehir və Küçükçekmecedə 2 nəfər sel sularında həyatını itirib.
İstanbul Valiliyi Başakşehir və Küçükçekmecedə şiddətli yağışdan sonra 2 nəfərin öldüyünü, 5 nəfərin isə xəstəxanaya yerləşdirildiyini bildirib.
