Erməni əsilli rusiyalı milyarder, Xankəndidəki qondarma qurumun keçmiş “dövlət naziri” Ruben Vardanyan erməni sakinləri meydana çağırıb.
Bu barədə o, öz teleqram səhifəsində yazıb.
Ruben Vardanyan bu dəfə Kəlbəcərdə Rusiya sülhməramlılarının nəzarətində qalan Kolətək kəndindəki Hakobavank adlanan məbədin bərpası üçün ermənilərə səslənib.
“Bu gün biz 7-ci əsrdə əsası qoyulan müqəddəs Hakobavank məbədinin bərpasına qərar verdik. Biz müqəddəs Hakobavankın keşişi Ovannes Ovannisyanla hər kəsi bu işə cəlb etməyə razılaşdıq. Monastrın bərpası ilə bağlı işlərə iyulun 28-də başlanılacaq. Hər kəsi Xankəndidəki “Bizim Dağlar” Mərkəzində gözləyirik”, – Vardanyan vurğulayıb.
Əslində, ermənilərin Hakobavank deyərək dünyaya səs saldıqları bu abidə Böyük Aran və ya Müqəddəs Yakov monastırıdır. Azərbaycanın Qafqaz Albaniyası dövrünə aid dini-mədəni irsidir. Böyük Aran və ya Müqəddəs Yakov monastırı Albaniyanın ən qədim monastırlarından biri sayılır. Abidə Qarabağda Kolatağ (Kolətək) kəndinin yaxınlığında yerləşir.
Böyük Aran və ya Müqəddəs Yakov Monastırı Azərbaycanın Qafqaz Albaniyası dövrünə aid dini-mədəni irsidir və bu abidəni dünyaya Hakobavank adı ilə təqdim etmək cəhdi ermənilərin növbəti riyakarlığından və tarixi saxtakarlığından başqa bir şey deyildir.
KONKRET.az
