“Ukraynada bütün planlarımızı həyata keçirəcəyik. Bizim prioritetimiz Ukrayna əməliyyatıdır. Nazirlik rəsmiləri ilə daim təmasdayam”.
Musavat.com xəbər verir ki, bunu Rusiya prezidenti Vladimir Putin deyib.
Kremlin sözçüsü Dmitri Peskov isə Rusiyanın muzdlu qruplaşması “Vaqner”in üsyanının Ukraynadakı işğala təsir etməyəcəyini iddia edib.
“Cəbhədəki xidmətlərinə görə Vaqner döyüşçüləri mühakimə olunmayacaq”, – Peskov bildirib.
Ukraynanın işğalında “Vaqner”qüvvələrinin rolu olduğu bilinsə də, Ukraynaya nə qədər muzdlu əsgərin göndərildiyi və işğal zonalarında olub-olmadığı dəqiq məlum deyil.
