Milli məclisin sədr müavini, millət vəkili Adil Əliyev Gədəbəy rayonu Səbətkeçməz kəndində şəhidlərimiz Bəybala Əliyevin, Elvin Mustafayevin və Kənan Müzəffərlinin ailələri ilə görüşüb. Şəhidlərimizin ailə üzvləri qəhrəmanlarımızın uşaqlığından, keçdikləri döyüş yollarınndan bəhs edərək, böyütdükləri igid övladlarının barəsində fəxrlə danışıb.
Prezident, Müzəffər Ali Baş Komandan İlham Əliyevin rəhbərliyində rəşadətli Ordumuzun tərkibində döyüşmüş Bəybala Əliyev Murovdağ istiqamətində, Elvin Mustafayev və Kənan Müzəffərli Zəngilan rayonu uğrunda gedən döyüşlərdə şəhidlik məqamına yüksəliblər.
Adil Əliyev şəhidlərimizə rəhmət, ailələrinə səbir diləyərək bildirib ki, Müqəddəs amal uğrunda şəhid olmuş qəhrəmanlarımızın əziz xatirəsi qəlbimizdə əbədidir.
