Azərbaycanın Rusiyanın Yekaterinburq şəhərindəki baş konsulu vəzifələrini icra edən Şöhrət Mustafayev Kamçatka diyarına səfəri çərçivəsində diyarın qubernatoru Vladimir Viktoroviç Solodov ilə görüşüb.
RUBİN.AZ xəbər verir ki, görüşdə Kamçatka diyarı ilə Azərbaycan arasında iqtisadi və mədəniyyət sahələrində münasibətlərin dinamikası müzakirə olunub. Qubernator Vladimir Viktoroviç Kamçatkada turizmin və balıqçılıq sənayesinin inkişaf etdiyini qeyd edib və bu istiqamətdə ölkəmizlə əməkdaşlıqda maraqlı olduqlarını bildiribdir. Ş.Mustafayev öz növbəsində Azərbaycanın iqtusadi və turizm imkanlarından bəhs edib və ölkəmizin Rusiyanın müxtəlif federal subyektləri ilə iqtisadi, mədəni və humanitar sahədə çox sıx münasibətlərinin olduğunu vurğulayıb. Görüşdə cənab qubernatora Baş Konsulluğun dəstəyi ilə Ümumilli Lider Heydər Əliyevin 100 illik yubleyi ilə əlaqədar olaraq Rusiya Federasiyasında çap olunmuş “Heydər Əliyev – Rusiyadan baxış” kitabı və milli xalça suveniri hədiyyə olunub.
About the Author
