6 noyabr 2022-ci il tarixində “İstedadları Tanıyaq və Tanıdaq” İB tərəfindən “8 Noyabr -Zəfər günü” münasibətilə “Zəfərin mübarək, can Azərbaycan!” adlı tədbir keçirildi.
İlk öncə Azərbaycan Respublikasının Dövlət Himni səsləndirildi, şəhidlərimizin xatirəsi bir dəqiqəlik sükutla yad edildi.
44 günlük vətən müharibəsi qəhrəmanları haqqında məlumat verildi.
Tədbirdə şəhid və qazi ailələri, QHT nümayəndələri, mətbuat nümayəndələri, müəllimər, ictimaiyyət nümayəndələri və sənətçilər iştirak edib. Çıxış edən qonaqlar xalqımızı Zəfər günü münasibətilə təbrik edib, İstedadlı gənclərimizə uğurlar diləyib.
Çıxış edən qonaqlar Vətən müharibəsində Azərbaycanın əldə etdiyi zəfərdən danışıb.
Qeyd olunub ki, 8 noyabr tarixi Vətən müharibəsində Azərbaycan əsgərlərinin misilsiz qəhrəmanlıq göstərərək Azərbaycanın mədəniyyət beşiyi olan Şuşa şəhərini demək olar əlbəyaxa döyüşlə azad etdiyi gündür. Prezident İlham Əliyevin uzaqgörən siyasəti, qəhrəman Azərbaycan Ordusunun şücaəti və fədakarlığı, Azərbaycan xalqının dəmir yumruq kimi sarsılmaz birliyi Vətən müharibəsi dövründə qələbəni şərtləndirən amillər olub.
Tədbirin rəsmi hissəsi başa çatdıqdan sonra istedadlı gənclərin vətənpərvər ruhda səsləndirdikləri şeir, mahnı və rəqsləri alqışlarla qarşılanıb.
Sonda iştirakçılara “Zəfərin mübarək, can Azərbaycan!” adlı tədbirdə iştirakına görə diplom və hədiyyələr təqdim olundu.
Tədbirin keçirilməsində təmənnasız təşkilati dəstəyə görə “Şır-Şır” restoranının rəhbərliyinə təşəkkür edilib.
Rəsmi hissənin sonunda iştirakçılar üçün çay süfrəsi təşkil olunub, xatirə şəkli çəkdirildi.
Dövlətimiz var olsun
