Xəbər verdiyimiz kimi sosial şəbəkədə məktəblərdən birində əlbəyaxa dava olan video yayılıb.İddia olunur ki, hadisə Gəncə şəhərində yerləşən “10” nömrəli məktəbdə qeydə alınıb,valideynlə direktor arasında baş verib.
Məsələ ilə əlaqədər Gəncə Şəhər Təhsil İdarəsindən “Rubin.az”-ın sorğusuna cavab olaraq bildirilib ki, Gəncə şəhər M.Hadi adına 10 nömrəli tam orta məktəbdə baş verən hadisə direktorla müəllim arasında deyil, məktəbin müəllimi Səyyarə Musayeva ilə beşinci sinif şagirdi Toğrul Cəfərinin valideyni Aynurə Ələkbərova arasında baş vermişdir.
Bu barədə Azərbaycan Respublikası Təhsil Nazirliyinin Daxili Nəzarət Şöbəsi tərəfindən araşdırılma aparılır. Araşdırmanın nəticələri barədə mətbuata açıqlama veriləcəkdir.
