Fələstin Dövləti Azərbaycana siyasi, humanitar, təhsil və mədəniyyət sahələrində göstərdiyi dəstəyə görə təşəkkür edib, bu barədə Fələstin Dövlətinin Azərbaycandakı səfirliyinin bəyanatında bildirilir.
Bəyanatda qeyd olunub ki, Azərbaycan beynəlxalq platformalarda Fələstinin dövlətçilik hüququnu və paytaxtı Şərqi Qüds olan müstəqil dövlətin yaradılmasını dəstəkləyir.
Səfirlik 2025-ci ilin sentyabrında Qəzza zolağından 14 fələstinli tələbənin təhsilini davam etdirmək üçün Azərbaycana təxliyəsinin təşkil olunduğunu bildirib. Hazırda Azərbaycanda 37 fələstinli tələbə təhsil alır, onlardan 23-ü Heydər Əliyev adına Beynəlxalq Təhsil Qrantı proqramının iştirakçısıdır.
Bəyanatda həmçinin bildirilib ki, 2026-cı ilin iyulunda Fələstin Baş naziri Məhəmməd Mustafanın Azərbaycana səfəri zamanı Azərbaycan Prezidentinin paytaxtı Şərqi Qüds olan müstəqil Fələstin dövlətinin yaradılmasına dəstəyini bir daha təsdiqlədiyi vurğulanıb.
Səfirlik Azərbaycanın Fələstinin Azərbaycandakı diplomatik nümayəndəliyinə maliyyə yardımı göstərməsini, nümayəndə heyətlərinin beynəlxalq tədbirlərdə iştirakına dəstək verməsini və təhsil ilə səhiyyə sahələrində əməkdaşlığı yüksək qiymətləndirərək Prezident İlham Əliyevə, Azərbaycan hökumətinə və xalqına minnətdarlığını bildirib.
Mənbə: az.trend.az