Yeni Cənubi Uelsdə metal detektoru ilə qızıl axtaran şəxsin oktyabrın ortalarında Tibooburra qəsəbəsi yaxınlığındakı Mount Stuart ferması ərazisində çəkisi təxminən 1,2 kiloqram olan qızıl külçəsi tapdığı bildirilib.
İlkin ekspertizaya görə, külçənin təxminən 940 qram xalis qızıl ehtiva etdiyi göstərilib. Külçənin ilkin dəyəri 150–160 min Avstraliya dolları civarında qiymətləndirilib, bu məbləğ təxminən 100 min avroya bərabər hesablanıb.
Anonim qalmaq istəyən tapıcı bildirib ki, bir neçə gün ərzində ərazini metal detektoru ilə yoxlayıb və adətən metal tullantıları — mismarlar, at nalı və gilizlər tapıb; külçəni tapdığı gün isə cihaz siqnal verib və təxminən 10 santimetr dərinlikdən parıldayan metal çıxarıblar.
Hazırda tapıntının özəl kolleksiyaçıya satılması planlaşdırılır. Mənbədə verilən qiymətləndirməyə görə, külçənin nadir təbii nümunə olmasına görə qiyməti 200 min Avstraliya dollarına qədər arta bilər.
Mənbə: az.trend.az