Bir neçə Avropa şirkəti Venesueladan neft ixrac etmək üçün ABŞ-a müraciət edib

İspaniyanın Repsol və Fransanın Maurel & Prom şirkətləri də daxil olmaqla bir neçə Avropa şirkəti Venesueladan neft ixrac etmək üçün ABŞ-dan icazə istəyib.

APA xəbər verir ki, bu barədə “Reuters” mənbələrə istinadən məlumat yayıb.

“İspaniyanın Repsol və Fransanın Maurel & Prom şirkətləri də daxil olmaqla, Venesuelaya məxsus PDVSA neft şirkətinin bir neçə Avropadan olan tərəfdaşı ölkədən neft ixrac etmək məqsədilə ABŞ-a müraciət edib”, – məlumatda bildirilib.

Qeyd edək ki, Tramp administrasiyası lisenziyaları dayandırdıqdan sonra şirkətlər 2025-ci ilin ikinci rübündən etibarən Venesuela neftini ixrac edə bilməyiblər.