Bakının Binəqədi rayonunda yanğın başlayıb.
Rubin.az” Qafqazinfo-ya istinadən xəbər verir ki, hadisə bu gün səhər saatlarında olub. 7-ci mikrorayonda yerləşən “Vətən” idman mərkəzi yanır.
Əraziyə hüquq mühafizə orqanlarının əməkdaşları cəlb olunub. Yanğının söndürülməsi üçün işlər görülür. Yanğın davam edir.
***
Fövqəladə Hallar Nazirliyi yanğınla bağlı açıqlama yayıb. Qeyd olunub ki, Binəqədi rayonunda futbol məktəbində yanğın baş verməsi barədə məlumat daxil olub.
İlkin məlumata görə, məktəbin idman zalının dam örtüyü yanır. Hazırda yanğınsöndürmə işləri davam etdirilir. Əlavə məlumat veriləcək.
***
FHN-dən verilən məlumata görə, Binəqədi rayonunda “Vətən” Respublika İxtisaslaşdırılmış Olimpiya Ehtiyatları Uşaq Gənclər Futbol Məktəbinin ümumi sahəsi 800 m² olan birmərtəbəli təlim məşq binasında baş verən yanğın söndürülüb. Binanın qalan hissəsi yanğından mühafizə olunub.
Məlumata görə, sauna otağının lambirindən ibarət üzlüyü 40 m² sahədə və dam örtüyünün yanar konstruksiyaları 600 m² sahədə yanıb.
