Xəbər verdiyimiz kimi, bir neçə saat öncə Azərbaycanda zəlzələ olub.
Zəlzələnin gücü 5,7 bal olub!
Zəlzələ paytaxt Bakıda da güclü hiss edilib.
Bundan təşvişə düşən hündürmərtəbəli binalarda yaşayan bəzi paytaxt sakinləri evlərini tərk edərək həyətə düşüblər.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumatına görə, zəlzələ yerli vaxtla saat 00:01-də qeydə alınıb.
Məlumata əsasən, yeraltı təkanların episentri Xaçmaz rayonundan 80 kilometr şimal-şərqdə, ocağı isə 20 kilometr dərinlikdə yerləşib.
Zəlzələ Quba, Xaçmaz, Siyəzən rayonları, Sumqayıt və Bakı şəhərləri, Abşeron yarımadası və ona yaxın ərazilərdə 5-4 bala qədər hiss olunub.
