Qərb bölgəsində güclü küləklə müşahidə olunan leysan bəzi ərazilərdə elektrikin kəsilməsinə səbəb olub.
RUBİN.AZ Report-a istinadən xəbər verir ki, Daşkəsən, Göygöl, Gədəbəy, Şəmkir rayonlarında və Gəncə şəhərində güclü külək bəzi ərazilərdə fəsadlar yaradıb. Bəzi ərazilərdə elektrik enerjisinin verilməsi dayandırılıb.
Hava şəraiti səbəbindən avtomobil yollarında da nəqliyyatın hərəkətində qismən çətinliklər yaranıb. Yağış suları əkin sahələrinə dolub, təsərrüfata ziyan vurub.
Hazırda Gəncə şəhərində və ətraf rayonlarda küləklə müşahidə olunan yağıntılı hava şəraiti davam edir. Güclü ildırım çaxır.
***
Gəncədə qeyri-sabit hava şəraiti səbəbindən bəzi ərazilərdə dayandırılmış elektrik enerjisinin verilişi bərpa olunub.
Şəhərin bəzi ərazilərində təxminən bir saatdan çox elektrik enerjisinin verilişi dayandırılmışdı.
Qeyd edək ki, güclü küləklə müşahidə olunan yağıntılı hava şəraiti Qərb bölgəsində davam edir.
