Qazaxıstanın Janaozen şəhərində ikimərtəbəli yaşayış evində partlayış baş verib.
RUBİN.AZ Trend-ə istinadən xəbər verir ki, bu barədə ölkənin Fövqəladə Hallar Nazirliyindən məlumat verilib.
Məlumata əsasən, partlayış nəticəsində binanın girişi çöküb.
Bildirilir ki, partlayışda 11 nəfər müxtəlif dərəcəli bədən xəsarətləri alıb. Onlar xəstəxanaya yerləşdirilib.
Qeyd edilir ki, binada qaz balonu partlayıb. Partlayışın səbəbi araşdırılır.