Şuşanın işğal olunmasının 27-ci ildönümü münasibəti ilə Bərdə rayon E.Əhmədov adına Mirzəxan kənd tam orta məktəbində tədbir keçirilib.
“Rubin.az” xəbər verir ki,tədbirdə məktəbin direktoru Ağayeva Ruhiyyə çıxış edərək Şuşa şəhərinin zəngin tarixindən söz açıb.
Bilidirb ki,Ermənilərin Şuşaya son hücumu 1992-ci il mayın 7-dən 8-nə keçən gecə başlayıb. Şəhər dörd bir tərəfdən raket, top, tank və digər silahlardan şiddətli atəşə tutulub. Bundan sonra düşmən Xankəndi və Kərkicahan istiqamətlərindən piyadalarla hücuma keçib. Şəhər mayın 8-də axşamadək müdafiə olunsa da, silah-sursat və canlı qüvvə sarıdan üstün olan işğalçıların qarşısında tab gətirə bilməyib.
Daha sonra məktəbin tarix müəllimləri Süleymanova Xuraman,Abdullayevə Bahar çıxış edərək Şuşa şəhərində düşmən ordusu tərəfindən məhv edilmiş maddi mədəniyyət nümunələri haqqında məlumat verib. Qeyd olunub ki, dağıdılan qiymətli tarixi-mədəniyyət ocaqları arasında Şuşa rayon Xalça Muzeyi də olub. Bildirilib ki, Azərbaycanın tarixi mədəniyyət mərkəzi və Qarabağın tacı sayılan Şuşa şəhəri 24 ildir Ermənistan silahlı qüvvələrinin işğalı altındadır: “Amma bu belə davam edə bilməz. Xalqımız əmindir ki, Prezident və Ali Baş Komandan İlham Əliyevin qətiyyəti və iradəsi sayəsində işğal olunmuş bütün torpaqlarımız, o cümlədən Qarabağın tacı Şuşa nəyin bahasına olursa-olsun düşmən tapdağından azad ediləcək. Ulu Öndərimizin dediyi kimi, “Şuşasız Qarabağ, Qarabağsız isə ümumiyyətlə, Azərbaycan yoxdur”.
Sonda tədbir şagirdlərin şeir və kompoziyası ilə yekunlaşıb.
About the Author
