Bu gün Yevlax şəhər 2 saylı tam orta məktəbdə “Oxu günü” münasibəti ilə tədbir keçirilmişdir.
“Rubin.az” xəbər verir ki,tədbiri giriş sözü ilə məktəbin direktoru Sədaqət Şükürova açaraq bildirdi ki, UNESKO -nun qərarına əsasən, hər il aprelin 23-ü beynəlxalq səviyyədə “Ümumdünya Kitab və Müəlliflik Hüququ Günü “kimi qeyd edilir. Azərbaycan Respublikasının Təhsil Naziri Cənab Ceyhun Bayramovun 04 .03.2019-cu il tarixli əmri ilə “Oxu günü” çərçivəsində bu gün məktəbimizdə Ümumdünya Kitab və Müəlliflik Hüququ Günü barədə şagirdlərə zəruri məlumatlar çatdırılacaq. Əmrdə aprel ayında anadan olmuş Azərbaycanın klassik və müasir ədəbiyyat nümayəndələrinin (Əfzələddin Xaqani, Molla Pənah Vaqif, Nəcəf bəy Vəzirov, Soltan Məcid Qənizadə, Nəriman Nərimanov, Mir Cəlal Paşayev) məktəblərdə anım günlərinin keçirilməsi, onların həyat və yaradıcılığı haqqında şagirdlərə məlumatlar verilməsi öz əksini tapıb. Buna əsaslanaraq biz də Yevlax şəhər 2 saylı tam orta məktəbdə görkəmli yazıçı, publisist Mir Cəlal Paşayevin yaradiciliq gecəsini təşkil etmişik. Tanınımış yazıçımızın əsərlərinin müzakirəsi, əsərlərindən parçalar bu gün tədbir iştirakçılarına təqdim olunacaqdır. Məqsədimiz klassik yazıçılarımızın əsərlərini şagirdlərə dərindən aşılamaq eyni zamanda məktəbimizdə oxu mədəniyyətini daha da inkişaf etdirməkdən ibarətdir.
Sonra tədbirdə Mir Cəlal Paşayevin həyat yolu haqqında film şagirdlərə təqdim olundu. Tanınmış ədiblərin və yazıçıların Mir Cəlal Paşayev haqqinda söylədikləri fikirlər, yazıçının əsərlərində parçalar şagirdlərin ifasinda təqdim olundu. Tədbirin sonunda fəallığı ilə fərqlənən bir qrup şagridlərə məktəb rəhbərliyi tərəfindən fəxri fərmanlar təqdim olundu.
