Qobustan rayonunda 7 yaşlı qız cərrahi əməliyyat zamanı vəfat edib.
“Qafqazinfo” xəbər verir ki, 2016-cı il təvəllüdlü Yağmur Məmmədova Qobustan Rayon Mərkəzi Xəstəxanasında burun-boğaz əməliyyatı üçün narkoz verildikdən sonra qəfil dünyasını dəyişib.
Qobustan şəhər A.Qayıblı adına 3 saylı tam orta məktəbin 1-ci sinif şagirdi olan Yağmurun narkozun təsirindən şoka düşdüyü və bu səbəbdən vəfat etdiyi bildirilir.
Faktı ilə bağlı Qobustan Rayon Prokurorluğunda araşdırma aparılır.
Qeyd edək ki, 3 həftə əvvəl Bakıda burun-boğaz əməliyyatı olunan məktəbli, 9 yaşlı Nadirli Ağasəlim Vüqar oğlu xəstəxanadan buraxılandan sonra yaşadığı evdə dünyasını dəyişib.
