Hacıqabulda ata və övladının olduğu avtomobil kanala aşıb, ata ölüb, oğlu xəsarət alıb.
RUBIN.AZ APA-ya istinadən xəbər verir ki, hadisə Hacıqabul rayonunun Abdulabad kəndidə qeydə alınıb.
Rayonun Kolanı kənd sakini, 1996-cı il təvəllüdlü Ağayev Azad Əlizamin oğlunun idarə etdiyi “VAZ-2106” markalı avtombil yoldan çıxaraq kanala aşıb. Nəticədə avtobildə olan sərnişin – sürücünün atası, Kolanı kənd sakini, 1958-ci il təvəllüdlü Ağayev Əlizamin Soltan oğlu avtomobilin içində boğularaq hadisə yerində ölüb.
Qəza zamanı xəsarət alan sürücü Şirvan xəstəxanasına yerləşdirlib.
Faktla bağlı araşdırma aparılır.
