Milli Məclisdə Millət vəkili Adil Əliyev tərəfindən vətəndaşların qəbulu keçirilib. Qəbulda şəhid ailələri, qazilər, idmançılar, eləcə də ayrı-ayrı vətəndaşlar iştirak edib. Vətəndaşlarımız tərəfindən qəbul zamanı qaldırılan sosial, humanitar, tibb və digər məsələlərin bir qismi elə yerindəcə öz həllini tapıb. Eləcə də, digər müraciətlərlə bağlı aidiyyəti üzrə məktubların hazırlanması barədə tapşırıqlar verilib.
Dövlət başçısının vətəndaşların müraciətlərinə xüsusi həssaslıqla yanaşılması barədə verdiyi tapşırıq və tövsiyələrə uyğun olaraq, müraciətlərin müsbət həlli istiqamətində millət vəkili tərəfindən bütün addımlar atılır. Eləcə də, qəbulda iştirak edən şəhid ailələri və qazilər göstərilən yüksək diqqət və qayğıya, həmçinin qəbulda iştirak edən vətəndaşlar müraciətlərinin həlli istiqamətində atılan addımlara, yaradılan şəraitə və səmimi qəbula görə Prezident İlham Əliyevə və Birinci xanım Mehriban Əliyevaya minnətdarlıqlarını bildiriblər.