Millət vəkili Adil Əliyev Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən Dənizkənarı Milli Parkın ərazisində təşkil olunmuş “Peşələr Festivalı”nda iştirak edib.
“Ölkəmizin müxtəlif şəhər və rayonlarında təşkil olunmuş və sonuncusu bu gün Bakı şəhərində keçirilən Festivala maraq həddən artıq yüksək idi. Festivalın əsas məqsədi vətəndaşların müasir əmək bazarının tələbləri, peşələr və ixtisaslar barədə məlumatlandırmaqdır. Məşğulluq sahəsində dövlət tərəfindən aparılan sistemli işin əsas məqsədi vətəndaşların peşə bacarıqlarına yiyələnməsi ilə işsizliyi aradan qaldırmaq, vətəndaşların sosial rifah halını daha da yaxşılaşdırmaqdır. Qeyd etməliyəm ki, işğaldan azad olunmuş ərazilərdə də yeni iş yerlərinin yaradılması və evlərinə köçürülən məcburi köçkünlərin məşğulluğunun təmin olunması sahəsində dövlət tərəfindən sistemli iş aparılır”-deyə millət vəkili bildirib.
RUBİN.AZ
