Türkiyədə Karatekin universitetində təhsil alan Azərbaycanlı tələbələr Xocalı qətliamını nümayiş etdirdilər.
“Rubin.az” xəbər verir ki,26 Fevral 1992-ci ildə baş verən və tariximizin qanlı səhifələrindən olan Xocalı qətliamında baş verən hadisələri 100dən çox tələbə “Xocalı qətliamını unutmadıq” devizi ilə ictimaiyyətə çatdırdı. Tələbələr Orxan Mustafazadə, İsa Mahmudov, Yusif Məlikov və digərləri çıxış edərək ” Bu qətliam 28 il öncə dünya ölkələrinin gözləri qarşısında ermənilər tərəfindən soydaşlarımıza qarşı törədilmiş faciədir. Yaşanan sadəcə insanların qətl edilməsi deyildi. Cəsətlərin çoxunun yandırılmış, gözlərinin oyulmuş olması, hamilə qadın və uşaqların bu təcavüzə məruz qalması, bu faciənin böyüklüyünü gözlər önünə sərdi. Heç kimsənin ağlına gəlməyəcək bu qətliam insanlığın üzqarası olaraq tarixdə yerini aldı. Bizlər Türk olaraq, Azərbaycanlı tələbələr bu qətliamın qarşısında susmayacağıq!!!” dedi.
