Çinin “Mirror” rəqs qrupunun Honq-Konqdakı konserti dəhşətli faciə ilə yekunlaşıb.
KONKRET.az xarici mətbuata istinadən xəbər verir ki, səhnənin üzərindəki nəhəng monitor rəqqasların üzərinə düşüb.
Bədbəxt hadisə nəticəsində 2 rəqqas ciddi xəsarət alıb. Onlar xəstəxanaya çatdırılıblar. Onlardan birinin vəziyyətinin stabil, digərinin isə ağır olduğu bildirilib.
Qeyd olunur ki, konsertdən əvvəl qrupun pərəstişkarları səhnəni daha təhlükəsiz etməyə çağıran petisiya yaradıblar. Buna səbəb daha öncəki konsertdə qrup üzvlərindən birinin səhnədə yıxılmasıdır.
