Ukraynanın Xarkov vilayətinin şərqində Rusiya tərəfindən işğal edilmiş yaşayış məntəqəsinin Moskva tərəfindən təyin edilən rəhbərinin avtomobili partladılıb.
Modern.az xəbər verir ki, bu barədə Rusiyanın TASS agentliyi məlumat yayıb.
Hadisə nəticəsində Velikiy Burluk kəndinin Moskva tərəfindən təyin edilən rəhbəri Yevgeni Yunakov ölüb.
Hadisənin Ukrayna ordusunun diversantları tərəfindən törədildiyi güman edilir.
Qeyd edək ki, Xarkov vilayətinin bəzi hissələri Rusiya ordusu tərəfindən işğal edilib. Rusiya qüvvələri Ukraynanın cənubundakı Xerson və Zaporojye əyalətlərinin də bir hissəsini ələ keçirib.
