Ulyanovsk rayonunda, Kuzovatovo kəndində Qaston yanacaqdoldurma məntəqəsində güclü partlayış baş verib.
İyulun 9-da saat 17:05-də (Bakı vaxtı ilə) Ulyanovsk vilayəti üzrə Böhran İdarəetmə Mərkəzinin operativ növbətçi xidmətinə yanacaqdoldurma məntəqəsində baş vermiş yanğın barədə məlumat daxil olub.
Fövqəladə Hallar Nazirliyinin məlumatına görə, saat 17.37-də 100 kvadratmetrdən çox ərazini əhatə edən yanğın başlayıb. Yanğının söndürülməsinə 27 nəfər və 10 texnika, o cümlədən Fövqəladə Hallar Nazirliyinin 21 nəfər, 7 texnika cəlb olunub.
İlkin məlumata görə, 5 nəfər xəsarət alıb. Üç nəfər Kuzovatovskaya Mərkəzi Rayon Xəstəxanasına yerləşdirilib. Xəstələrdən ikisinin vəziyyəti ağır, digərinin vəziyyəti orta-ağırdır. Qubernator Aleksey Russkix regional Səhiyyə Nazirliyinə məsələni nəzarətdə saxlamağı tapşırıb.
Yanğına odla ehtiyatsız davranma səbəb olub.
