Yaponiyanın keçmiş Baş naziri Şinzo Abe Nara şəhərində çıxışı zamanı silahlı hücuma məruz qalıb.
Modern.az xəbər verir ki, Yaponiya mediasında Ş.Abenin güllələnməsi və ona hücum edən şəxsin saxlanılması anını əks etdirən görüntülər yayılıb.
Məlum olub ki, sabiq Baş nazirə atəş açan şəxs 41 yaşlı keçmiş dənizçi Teçuya Yamaqamidir. Hazırda təqsirkar polis tərəfindən dindirilir. Onun qətli törətmə səbəbi hələ ki məlum deyil.
Qeyd edək ki, Yaponiyanın Nara şəhərində keçirilən mitinqdə silahlı hücuma məruz qalan sabiq Baş nazir Şinzo Abe xəstəxanada dünyasını dəyişib.