Almaniya maliyyə naziri Kristian Lindnerin şənbə günü, 30 aprel tarixində verdiyi bəyanata görə, ölkə Moskvanın tələblərinə əməl etmək niyyətində deyil və Rusiyadan qaz tədarükü üçün ödənişi rublla etməyəcək.
“Gələcəkdə də qaz üçün ödənişi rublla etməyəcəyik” – deyə nazir qeyd edib.
O, həmçinin vurğulayıb ki, Almaniya hakimiyyəti “Rusiyadan asılılıqdan mümkün qədər tez xilas olmaq üçün (enerji təchizatı məsələlərində)” bütün tədbirləri görür.
Kristian Lindner Berlinin daha öncələr də rublla ödəniş etmək istəməməsi barədə fikir bildirib və qeyd edib ki, “müqavilə müqavilədir. Müqavilələr dollar və evroya əsaslanıb və bu səbəbdən də şirkətlər dollar və ya evro ilə ödəniş etməlidirlər”.(oxu.az)
