Ümumdünya Səhiyyə Təşkilatının Baş direktoru Tedros Adanom Qebreyesus yeni virusun proqnozunu verib.
RUBİN.AZ xəbər verir ki, ÜST rəhbəri bunu Romada keçirilən G20 ölkələrinin maliyyə və səhiyyə nazirlərinin görüşündə deyib və xəbərdarlıq edib.
“Bioloji nöqteyi-nəzərdən, nə vaxtsa sadəcə qarşısını ala bilmək iqtidarında olmayacağımız başqa bir virusun peyda olması danılmazdır”, – deyə Qebreyesus qeyd edib.
Onun sözlərinə görə, növbəti pandemiyaya hazırlaşmaq üçün hazırki pandemiyadan dərs çıxarmaq lazımdır.
ÜST-ün Baş direktoru həmçinin vurğulayıb ki, dünya ictimaiyyətinə gücləndirilmiş ÜST, pandemiya ilə mübarizəni təmin etmək üçün yeni maliyyə mexanizmi və daha effektiv idarəetmə lazımdır.
/“Qafqazinfo”/
