5 Oktyabr Beynəlxalq Müəllimlər Günü Yevlax şəhər Mirzə Ələkbər Sabir adına 2 nömrəli tam orta məktəbdə yüksək səviyyədə qeyd edilib.
“Rubin.az” xəbər verir ki, tədbirdə məktəbin qocaman və gənc müəllim heyəti, əməkdaşları, şagirdləri, media nümayəndələri və digər qonaqlar iştirak ediblər.
Beynəlxalq Müəllimlər Gününə həsr olunmuş tədbir Azərbaycan Respublikasının Dövlət Himni sədaları ilə açıq elan edilib. Sonra məktəbin həyat və fəaliyyətindən bəhs edən video rolik nümayiş edilib.
Tədbiri giriş sözü ilə Yevlax şəhər Mirzə Ələkbər Sabir adına 2 nömrəli tam orta məktəbin direktoru Sədaqət Şükürova açıb. Məktəbin rəsmisi tədbir iştirakçılarını müəllim günü münasibəti ilə təbrik edərək onlara çətin və şərəfli peşələrində uğurlar arzulayıb. Müəllimlik peşəsini ən şərəfli və vacib peşə adlandıran Sədaqət Şükürova müəllim adının bütün zamanlarda uca və müqəddəs sayıldığını bildirib və bütün müəllimləri bu adın şərəfini daima yüksəltməyə, ölkəmizin inkişafı naminə hazırlıqlı kadrlar yetişdirməyə səsləyib. Ulu öndər Heydər Əliyevin “müəllimdən müqəddəs peşə yoxdur” kəlamını xatırladan direktor müəllim peşəsinin müqəddəsliyindən, bu şərəfli adın daşıyıcılarının gənc nəslin tərbiyəsində əvəzsiz rolundan danışıb. Məktəbin qazandığı təhsil uğurlarında müəllimlərin əhəmiyyətli rolunu önə çəkən Sədaqət Şükürova onların çətin əməyinin hər cür alqışa və mükafata layiq olduğunu diqqətə çatdırıb. Direktor xalqımızın milli təfəkküründə müəllim adının hər zaman ucalıq, ziyalılıq və mənəvi saflıq rəmzi kimi təcəssüm olunduğunu, böyük hörmətlə, yüksək ehtiramla çəkildiyi qeyd edib.
Tədbirdə çıxış edən digər natiqlər, təhsil işçiləri əlamətdar tarixi gün münasibətilə müəllimləri təbrik edib, elmi fəaliyyətlərində uğurlar arzulayıb, göstərilən xüsusi diqqət və qayğıya görə məktəbin direktoru Sədaqət müəlliməyə öz dərin minnətdarlıqlarını bildiriblər.
Tədbirdə iştirak edən məktəbin qocaman müəllimlərinə fəxri fərman və qiymətli hədiyyələr verilib.
Balacaların ifasında səsləndirilən şer, mahnı və rəqslər iştirakçılarda xoş əhval-ruhiyyə yaradıb.
About the Author
