Rusiya Federasiyasının Ukraynaya qarşı “Oreşnik” tipli ballistik raketdən istifadə etməsi NATO üzvü olan ölkələrə mesaj göndərmək və onları Kiyevə dəstəyi dayandırmağa məcbur etmək cəhdi kimi qiymətləndirilir.
APA xəbər verir ki, bunu NATO-nun baş katibi Mark Rutte Xorvatiyanın Baş naziri Andrey Plenkoviç ilə birgə keçirdiyi mətbuat konfransında bildirib.
Rutte vurğulayıb ki, Rusiyanın aqressiv müharibəsi davam edir:
“Keçən həftə Lvova ‘Oreşnik’ raketinin tətbiqini və mülki, eləcə də enerji infrastrukturuna qarşı davamlı hücumları gördük. Rusiya bizi Ukraynaya dəstəkdən çəkindirməyə çalışır, lakin bu, Alyansı dayandırmayacaq”.
NATO baş katibi qeyd edib ki, Rusiya bu cür addımlarla təzyiq göstərməyə cəhd etsə də, Alyansın Ukraynaya dəstəyi davam edəcək.
About the Author
