İon dənizinin Yunanıstan sahillərində İtaliyaya məxsus “Euroferry Olympia” kruiz gəmisində xilasetmə işlərini apararkən iki bolqar sərnişini evakuasiya etməyi unudublar.
Belə ki, iki sərnişin gəminin qarajında olduqları üçün xilasedicilər onlar barədə məlumatsız olub.
Mənbə yazır ki, sərnişinlər xilasedicilərlə əlaqə saxlaya biliblər. Onlara gəminin üst göyərtəsinə çıxmaq tapşırığı verilib.
Daha sonra əraziyə helikopter cəlb ediləcək və gəmidə qalan iki kişinin təxliyyəsi həyata keçiriləcək. Qeyd edək ki, daha əvvəl verilən məlumatda qeyd olunurdu ki, “Euroferry Olympia” gəmisində ümumilikdə 230-dan çox sərnişin və 51 ekipaj üzvü olub.
Gəminin kapitanı sərnişinlər arasında heç kimin xəsarət almadığını və onların hamısının sağ və salamat evakuasiya edildiyini bildirib.
Mənbə: ERT1
09:48
İon dənizinin Yunanıstan sahillərində İtaliyaya məxsus, 237 sərnişin və 50-dən çox ekipaj üzvünü daşıyan gəmi yanıb.
“Euroferry Olympia” gəmisi Yunanıstanın İqumenisa və İtaliyanın Brindisi şəhərləri arasında üzüb.
Qəzanın baş verdiyi əraziyə üç patrul qayığı və üç sahil mühafizə gəmisi göndərilib.
Hələlik gəmidəki yanğın nəticəsində xəsarət alanların olub-olmaması barədə məlumat verilmir.
oxu.az
About the Author
