Bu ölkədə ilk dəfə qadın prezident oldu – Gözəlliyi ilə gündəmdədir+Fotolar

Vəkil Zuzana Çaputova Slovakiyada keçirilən prezident seçkilərinin ikinci turunda qalib gəlib.

O, seçkilərə qatılmış 99,96% seçicinin 58,38%-nin səsini toplayıb. Çaputovanın rəqibi Maroş Şefçoviç isə 41,62% səslə məğlubiyyətlə barışıb.

Qeyd edək ki, Zuzana Çaputova Slovakiyanın ilk qadın prezidentidir. Onu rəqibi Şefçoviç, hazırkı prezident Andrey Kiska təbrik edib.

Çaputova prezident kimi vəzifəsinin icrasına iyunun 15-də Kiskanın səlahiyyət müddəti bitəndən sonra başlayacaq.

Qeyd edək ki, artıq sosial şəbəkələrdə 45 yaşlı Çaputovanın gözəlliyi ilə bağlı müzakirələr başlayıb. Sosial şəbəkə istifadəçiləri Slovakiyanın yeni prezidentinə tərif dolu sözlər yazırlar. (Qafqazinfo)