Şagirdlər dərslikləri nə vaxt qaytarmalıdır? – Tarix açıqlandı

“İlk olaraq IX və XI sinif şagirdlərinin dərslikləri təhvil verməsi prosesi olacaq”.

Bu barədə Təhsil Nazirliyinin şöbə müdirinin müavini, sektor müdiri Orxan Abbasov deyib.

“Həmin siniflərin şagirdlərinin dərslikləri qaytarması prosesi 15-30 iyun tarixində olacaq. Çünki onlar təhsil pilləsini bitirirlər və bəzən də məktəbi tərk edirlər”, – deyə O.Abbasov bildirib.

Onun sözlərinə görə, II-IV, V-VIII və X siniflərdə isə bu proses avqustun 1-dən 15-dək həyata keçiriləcək. I və V siniflərin şagirdləri isə dərslikləri sentyabrın 1-dən 15-dək təhvil verməlidirlər.(Qafqazinfo)