“Ötən gün ərzində Türkiyədən hərəkət edən siklon və siklonla bağlı olan soyuq atmosfer cəbhələrinin ölkə ərazisindən keçməsi nəticəsində respublikanın əksər rayonlarında hava şəraiti yağıntılı keçib, dağlıq və dağətəyi ərazilərdə yağıntılar intensiv, leysan xarakterli və güclü olub”.
“Qafqazinfo” xəbər verir ki, bunu Milli Hidrometeorologiya Xidmətinin rəisi Umayra Tağıyeva deyib. Düşən yağıntının miqdarı Böyük Qafqazın rayonlarında – Balakəndə, Qaxda, Zaqatala, Şəkidə, Oğuzda, Qəbələdə aylıq normanın 57 faizinədək qeydə alınıb. Düşən yağıntının miqdarı 71 mm-dək olub.
İntensiv yağıntılar nəticəsində respublikanın çaylarında da sululuq artıb. Çaylarda sululuq səviyyəsi 23 sm-dən 49 sm-dək yüksəlib. Şahdağda qar örtüyünün hündürlüyü 18 sm-ə çatıb”.