İsveçdə üç gündür İslam əleyhinə aksiyaya cavab olaraq kütləvi iğtişaşlar davam edir.
Modern.az xəbər verir ki, danimarkalı ekstremist “Ştram Kurs” partiyasının rəhbəri Rasmus Paludanın Quranı yandırması bir neçə şəhərdə etirazlarla qarşılanıb.
Aksiyalarda polislə kütləvi toqquşmalar yaşanıb. Etirazçılardan biri avtomobili çevik qüvvələrin üzərinə sürüb. Hadisə ilə əlaqədar sürücü həbs edilib. O qəsdən adam öldürməyə cəhd maddəsi ilə mühakimə olunacaq.
Malmödə etirazçılar yol kənarında olan avtomobilləri və bir avtobusu yandırıb.