Peruda son günlər artan inflyasiyaya qarşı etirazların qarşısını almaq üçün paytaxt Limada komendant saatı elan edilib.
“Unikal” xəbər verir ki, bu barədə prezident Pedro Kastillo xalqa müraciətində Lima və yaxınlıqdakı liman şəhəri Kallaoda fövqəladə vəziyyət elan edildiyini açıqlayıb.
Kastillo komendant saatının yerli vaxtla saat 02:00-dan 23:59-a qədər tətbiq ediləcəyini bildirib.
Bu addımın atılmasına səbəb yanacaq və gübrənin qiymətinin bahalaşması olub. Bundan sonra yerli xalq etiraz aksiyaları keçirib. Hətta nümayişçilər Limaya gələn yolları bağlayıblar.