“Tərəqqi” Sosial Tədqiqatlar İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə COVID-19 pandemiyasına qarşı planlaşdırılmış – Saatlı, Sabirabad və İmişli rayonlarında “Ucqar rayonlarda COVID-19 əleyhinə peyvənd olunmanın təbliği” layihəsi start verib.
Cebhe.info-ya verilən məlumata görə, layihənin məqsədi (01.02.2022 -ci ildən – 30.05. 2022-ci ilədək) Saatlı, Sabirabad və İmişli rayonlarında insanlar arasında COVID-19 əleyhinə vaksin olunmanın təbliği ilə bağlı maarifləndirmə yönümlü məlumat materialları paylamaq, plakatlar asmaqla COVID-19-dan qorunmanın və yoluxma yolları haqqında insanların daha artıq bilgilərə malik olmalarına nail olmaqdır.
Layihə müddətində Saatlı, Sabirabad və İmişli rayonlarında iri ticarət mərkəzlərinin qarşısında və insanların daha çox toplaşdığı parklarda COVID-19 əleyhinə vaksin olunmanın təbliği ilə bağlı maarifləndirmə yönümlü plakatlar asılacaq və məlumat xarakterli təbliğat materialları (flayer) paylanılacaqdır.
