12:05
Ukrayna prezident Ofisi ölkənin Mariupol və Volnovaxi şəhərlərində müvəqqəti atəşkəsin elan olunması və humanitar dəhlizlərin açılması barədə məlumat yayıb. Ofis rəhbərinin müşaviri Mixail Podolyak bildirib ki, hazırda bununla bağlı işlər görülür.
“Mariupol və Volnovaxidə humanitar dəhlizlərin açılmasına hazırlıq görülür. Tərəflər dəhlzilər olan yerdə müvəqqəti atəşkəs elan edib”, – o söyləyib.
Mariupol şəhərinin meri Vadim Boyçenko da məlumatı təsdiqləyib. Bildirilib ki, bu addım şəhərin mühüm infrastrukturunun – elektrik enerjisi, su və mobil rabitənin bərpasına başlamağa imkan verəcək. Həmçinin Mariupolu zəruri ərzaq və dərmanlarla təmin etmək mümkün olacaq.
Əhalinin təxliyəsi üç məntəqə üzrə bələdiyyə avtobusları ilə həyata keçiriləcək.
***
10:35
Bu gün Moskva vaxtı ilə saat 10-dan etibarən (Bakı vaxtı ilə 11:00) Rusiya tərəfi Ukraynanın iki şəhərində sükut rejimi elan edir və mülki əhalinin Mariupol və Volnovaxadan çıxması üçün humanitar dəhlizlər açır. Bu barədə Rusiya Müdafiə Nazirliyi məlumat yayıb.
Bildirilir ki, bu qərar Ukrayna tərəfi ilə razılaşdırılıb. (Virtualaz.org)