Xarkova bir qədər əvvəl atılan raket Azərbaycanın bu şəhərdəki fəxri konsulluğunun yerləşdiyi binanın yaxınlığına düşüb.
Fəxri konsulluqdan Modern.az-a verilən məlumata görə, inzibati binaya ziyan dəyməyib.
“Hazırda fəaliyyətimizi ştat rejimində davam etdiririk və yaxın saatlarda həmvətənlərimizin növbəti qrupunu evakuasiya edəcəyik. Həmvətənlərimizdən bir daha təmkinli olmağı, olduqları yerlərdə qalmaqlarını tövsiyyə edirik. Evakuasiya ilə bağlı ətraflı məlumat qısa müddət ərzində veriləcək”, – açıqlamada deyilir.