Gürcüstan parlamentinin dekabrın 24-də istefa vermiş sədri Kaxa Kuçava deputat mandatından da imtina edib.
AZƏRTAC xəbər verir ki, bu barədə jurnalistlərə parlamentin Prosedur məsələləri üzrə komitəsinin sədr müavini Quram Maçavariani məlumat verib.
Onun sözlərinə görə, K.Kuçava parlamenti tərk etsə də, hakim komandada qalacaq.
Qeyd edək ki, Gürcüstan parlamentinə yeni sədr gələn həftə növbədənkənar iclasda seçiləcək.
“Gürcü Arzusu-Demokratik Gürcüstan” Partiyası bu vəzifəyə qanunverici orqanın Təhsil və elm komitəsinin sədri Şalva Papuaşvilinin namizədliyini irəli sürüb.
About the Author
