Tovuzda ağır yol-nəqliyyat hadisəsi baş verib.
“Qafqazinfo” xəbər verir ki, hadisə Bakı-Qazax magistral yolunun rayonun ərazisindən keçən hissəsində qeydə alınıb. Hərəkətdə olan iki minik avtomobili toqquşub.
Qəza zamanı 1 nəfər hadisə yerində ölüb, 6 nəfər isə xəsarət alaraq xəstəxanaya yerləşdirilib. Hadisə yerinə DYP əməkdaşları cəlb olub. Qəzanın başvermə səbəbləri araşdırılır.
***
Qəza nəticəsində 1998-ci il təvəllüdlü Ayşə Aslanova, 1992-ci il təvəllüdlü Əmrah Həsənov, 1997-ci il təvəllüdlü Fəzail Əliyev, 1972-ci il təvəllüdlü Siyavuş Məmmədov, Rəna Məmmədova və 1991-ci il təvəllüdlü Sabir Alıyev xəsarət alaraq xəstəxanaya yerləşdiriliblər.
Elmar Əli
About the Author
