Kürdəmirdə yol qəzası baş verib, xəsarət alanlar var.
Azərtac-ın bölgə müxbir xəbər verir ki, hadisə rayonun Ərəbqubalı kəndinin yolunda qeydə alınıb. Belə ki, “Mercedes” markalı avtomobilin sürücüsü, 31 yaşlı rayon sakini Sərxan Səmid oğlu Məhərrəmov yolda hərəkətdə olarkən idarəetməni itirib. Nəticədə avtomobil yoldan çıxaraq aşıb. Hadisə zamanı sürücü və onun sərnişini, 40 yaşlı Ərəbqubalı kənd sakini Çingiz Ərzuman oğlu Babayev müxtəlif dərəcəli bədən xəsarətləri alıblar.
Yaralılar təcili tibbi yardım maşınının köməyi ilə Kürdəmir Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
About the Author
