Gəncədə ağır yol qəzası baş verib. Hadisə şəhərin Şah İsmayıl Xətai prospektində qeydə alınıb.
“VAZ 21015” və “KİA” markalı avtomobillərin toqquşması nəticəsində İbrahim Hüseynov, Arif Əliyev və Əntiqə Xəlilova xəsarət alıblar.
Məlumata görə, iki avtomobil toqquşandan sonra “KİA” markalı avtomobil yolun kənarı ilə gedən piyadanı – 1966-cı il təvəllüdlü Famil Zahid oğlu Ələkbərovu vurub. Həmin şəxs hadisə yerində ölüb.
Hadisə yerinə DYP əməkdaşları və təcili tibbi yardım briqadası cəlb olunub.
virtualaz.org